Tuhi Kau

Ko ahau a Tuhikau, ko Quinton Hita. Ka nuke au ki Ākarana e hia rānei tau ki muri, ka whakapotongia ake taku ingoa ki a Q. Nō Ngāpuhi, nō Ngāti Whātua, nō Taranaki hoki. Heoi, tōku reo (te nuinga), nā taku karani Mikara, nō Ngāpuhi.

Ahatia, hore au e hiahia ana kia ‘Nā Q’ tēnei kaupapa mō ake tonu atu. Pēnā tērā ētahi atu korokē pōhauhau pēnei anō i a au nei, e pai ana ki te tuhituhi kōrero i te waenganui pō horekau he utu, e hiahia ana ki te tuhituhi kōrero mō Tuhikau, E PUARE ANA TE KŪAHA, HOU MAI! (Erangi, kia pakari te reo – me te hinengaro)

Pēhea atu te pai, pēnā he kaituhi kei ngā takiwā katoa?

E tūmanako ana ki te rā ka tīningia te ingoa o tēnei whārangi ki a ‘Ko wai mā a TUHIKAU?’